माई हमार

बाबू ,
गउवा हमार ,
नदिया के तीरे बा ,
कच्ची पुलिया पर से ,
लउकायेला ,
सोमेरवा के खेतवा ,
खेतवा के बीच से,
जायेले मेड़िया ,
पड़ी रहिया में ,
एगो बरगद के पेड़वा ,
टेक के मथवा ओहिजा ,
बरगदहा बाबा के लइके आशिर्वाद ,
चलिहा पुरुब के ओर ,
दिखे लागी तोहरा के ,
मड़ई नियर घर ,
चुल्हवा से उठत होई धुंआ ,
माई हमार ,
पकावत होई बाटी ,
निहारत होई रहिया ,
हमरे इन्जार में ,
बाबू हो ,
ओके प्यार से समझयिहा ,
बिटवा ओकर ,
करज चुका के माटी के ,
मिल गइल माटी में ,
देस के खाये न पावे गद्दार ,
ऐंही से ऊ खा के गोली ,
चल गइल बा ,
दुसरकी दुनिया में ,
बाबू ,
हाथ जोड़त बानी ,
माई के हमरे ,
रोवे न दिहा ,
माई के हमरे ,
रोवे न दिहा ....

©ज्योति